Utdanningsmiljø med status som Senter for framifrå utdanning kan vise til framifrå kvalitet og nyskapande praksis i utdanninga. Sentra representerer eit breitt spekter av fagområde og institusjonar, og bidreg til å styrke kunnskapen om ulike sider av utdanning – både lokalt og i høgare utdanning generelt. Ordninga er etablert for å utvikle og heidre arbeidet som skjer i samspel mellom studentar, undervisarar, støttefunksjonar, arbeidsliv og samfunnet elles. Ho skal òg inspirere til nye former for studentinvolvering og partnarskap.