Innovasjonsallianser lot 1: Alliansar for utdanning og næringsliv

• fag- og yrkesopplæringsinstitusjonar
• høgare yrkesfagleg utdanningsinstitusjonar
• høgskular og universitet
• arbeids- og næringslivsaktørar
• bransjeorganisasjonar
• bedrifter
• private og offentlege aktørar som arbeider med utdanningssektoren, slik som fylkeskommunar og NAV
  

Krav til samansetning av partnarskap

Søkjer må vere ein offentleg eller privat organisasjon etablert i eit Erasmus+ land.

Erasmus+-land inkluderer: EU-landa, Noreg, Island, Liechtenstein, Nord-Makedonia, Serbia og Tyrkia.

Partnarskapen må bestå av minst åtte partnarar frå minst fire Erasmus+ land, og inkludera (mellom anna) minst:

• tre arbeids-/næringslivsaktørar
• minst tre utdanningsinstitusjonar, hvorav minst
  • ein fag- og yrkesopplæringsinstitusjon
  • ein høgare utdanningsinstitusjon

Er det mogeleg å inkludera partnarar som ikkje er etablert i eit av Erasmus+ landa?

Organisasjonar frå tredjeland ikkje assosiert til programmet og som er i region 1 til 3 kan delta som partnarar og assosierte partnare berre dersom ein kan vise til at deltakinga gir viktig meirverdi til prosjektet. Merk at sjølv om Ungarn er i region 2 kan ikkje ungarske institusjonar delta.

Organisasjonar frå andre tredjeland ikkje assosiert med programmet kan berre delta som assosierte partnare.

Sjå Erasmus+ Programme guide for vidare forklaringar rundt gyldige søkjarar og partnarar.

Kva er Innovasjonsalliansar?

Innovasjonsalliansar skal styrkje Europas evne til å utvikla nye løysningar gjennom samarbeid mellom utdanning, arbeidsliv og forsking. Prosjekta skal bidra til å gi folk ferdigheiter som arbeidslivet trenger.

Målet er å gjere utdanning meir relevant og fremja initiativ og entreprenørskap. Det blir lagt stor vekt på utvikling av talent og ferdigheiter, spesielt digitale ferdigheiter som er viktige i alle jobbar. I tillegg må utdanning og opplæring tilpassast den grøne omstillinga og ny teknologi, særleg innan avansert teknologi og realfag.

Det finst tre ulike tiltak under Innovasjonsalliansar:
Lot 1: Alliansar for utdanning og næringsliv
Lot 2: Sektorvise samarbeid om ferdigheter
Lot 3: STEM Skills Foundries

Denne utlysingssida gjeld moglegheitene i lot 1. For å få oversikt over heile breidda av moglegheiter, sjå også informasjonen om Lot 2 og Lot 3 som lenkja til over.

Kva er lot 1: Alliansar for utdanning og næringsliv?

Alliansar for utdanning og næringsliv er samarbeid som skal styrkja innovasjon og entreprenørskap gjennom samarbeid mellom fag- og yrkesopplæring, høgare utdanning og næringsliv.

Målet er å gjera utdanning meir relevant og styrkja samfunnet si evne til å møta utfordringar som klimaendringar, digitalisering og ny teknologi. Prosjekta skal bidra til å dekkja behovet for realfagskompetanse og handtera raske endringar i arbeidslivet, blant anna gjennom å utvikla nye læringsformer.

I 2026 er det særleg fokus på at prosjekta skal bidra til å tetta kompetansegap i sektorar som er viktige for Europas konkurranseevne.

Varigheit på prosjektet

• 24 eller 36 månader.

Kor mykje støtte kan du få?

• 1 million euro per prosjekt (24 månader)
• 1,5 millionar euro per prosjekt (36 månader)

EU dekkjer 80 prosent av kostnadene.

Døme på kva pengane kan brukast til:

• Løn og personalkostnader
• Reise- og oppholdskostnader
• Utstyr og innkjøp av tenester
• Andre kostnadar som formidling, publisering og omsetjing

For fullstendige reglar og detaljar, sjå programguiden for tiltaket.