Alliansar for utdanning og næringsliv skal styrkja innovasjon og entreprenørskap gjennom tettare samarbeid mellom fag- og yrkesopplæring, høgare utdanning og arbeids- og næringslivet. Prosjekta skal utvikla utdanning og opplæring i samarbeid med næringslivet, slik at tilboda svarar betre på nye kompetansebehov og utfordringar i arbeidslivet.
Kven kan søke
- Offentlege og private organisasjonar som er juridisk etablerte i eit Erasmus+-land, kan søkja. Erasmus+-land inkluderer: EU-landa, Noreg, Island, Liechtenstein, Nord-Makedonia, Serbia og Tyrkia.
Døme på aktuelle søkjarar:
- fag- og yrkesopplæringsinstitusjonar
- høgare yrkesfagleg utdanningsinstitusjonar
- høgskular og universitet
- arbeids- og næringslivsaktørar
- bransjeorganisasjonar
- bedrifter
- private og offentlege aktørar som arbeider med utdanningssektoren, slik som fylkeskommunar og NAV
Universitet og høgskular etablert i eit Erasmus+ land må ha eit gyldig Erasmus Charter for Higher Education (ECHE).
Krav til samansetning av partnarskapen
Partnarskapen må bestå av minst åtte søkjarorganisasjonar frå minst fire Erasmus+-land. Partnarskapen må inkludera minst:
- minst fire aktørar frå arbeids- og næringslivet
- minst fire utdannings- og opplæringstilbydarar
Minst éin fag- og yrkesopplæringstilbydar og éin høgare utdanningsinstitusjon må delta i partnarskapen.
Tilknytte einingar («affiliated entities») og assosierte partnarar («associated partners») tel ikkje med i minimumskravet til samansetjing av partnarskapen.
Er det mogeleg å inkludera partnarar som ikkje er etablert i eit av Erasmus+ landa?
Organisasjonar frå tredjeland som ikkje er assosierte med programmet, og som høyrer til region 1–3, kan delta som partnarar eller tilknytte einingar berre dersom det kan dokumenterast at deltakinga deira gir ein vesentleg meirverdi til prosjektet.
Organisasjonar frå andre tredjeland som ikkje er assosierte med programmet, kan berre delta som assosierte partnarar.
Organisasjonar frå Belarus og Russland kan ikkje delta som partnarar, assosierte partnarar eller tilknytte einingar.
Sjå Erasmus+ Programme guide for vidare forklaringar rundt gyldige søkjarar og partnarar.

Søknadsfrist
14. september 2027 kl. 17.00 (CET)
Om tilskotet
Kva er Innovasjonsalliansar?
Innovasjonsalliansar skal styrkja Europas innovasjonsevne gjennom samarbeid mellom utdanning, arbeids- og næringsliv og forsking. Prosjekta skal utvikla kompetansen arbeidslivet treng, og gjera utdanning og opplæring meir relevant for nye og framtidige kompetansebehov.
I 2027 kan du søkja på to ulike utlysingar under Innovasjonsalliansar:
- Tema 1: Alliansar for utdanning og næringsliv
- Tema 2: Sektorvise samarbeid om ferdigheiter
Denne utlysingssida gjeld moglegheitene i tema 1: Alliansar for utdanning og næringsliv. For å få oversikt over heile breidda av moglegheiter, sjå også informasjonen om tema 2: Sektorvise samarbeid om ferdigheiter.
Kva er tema 1: Alliansar for utdanning og næringsliv?
Alliansar for utdanning og næringsliv skal styrkja samarbeidet mellom fag- og yrkesopplæring, høgare utdanning og arbeids- og næringslivet. Målet er å utvikla utdanning og opplæring som svarar betre på nye og framtidige kompetansebehov. Utdanningsinstitusjonane og arbeids- og næringslivet skal samarbeida om å utvikla tilboda.
I 2027 er det særleg vekt på kompetansegap i sektorar som er viktige for Europas konkurranseevne. Prosjekta skal ta utgangspunkt i reelle utfordringar frå arbeidslivet og styrkja innovasjon og entreprenørskap.
Prosjekta kan mellom anna:
- utvikla nye utdanningstilbod og læringsopplegg i samarbeid med arbeids- og næringslivet
- ta utgangspunkt i reelle innovasjonsutfordringar frå arbeidslivet og integrera desse i utdanning og opplæring
- utvikla innovative undervisnings- og opplæringsmetodar
- styrkja innovasjons- og entreprenørskapskompetansen til studentar og elevar
- leggja til rette for mentorstøtte frå næringslivet, utvikling og utprøving av nye idear og samarbeid med oppstarts- og vekstbedrifter
Varigheit på prosjektet
- 24 eller 36 månader.
Kor mykje støtte kan du få?
- 1 million euro per prosjekt (24 månader)
- 1,5 millionar euro per prosjekt (36 månader)
EU dekkjer inntil 80 prosent av prosjektkostnadene.
Døme på kostnader som kan inngå i prosjektbudsjettet
- Løn og personalkostnader
- Reise- og opphaldskostnader
- Utstyr og innkjøp av tenester
- Andre kostnader som formidling, publisering og omsetjing.
For fullstendige reglar og detaljar, sjå programguiden for tiltaket.
Slik søker du
Du søkjer direkte til Europakommisjonen.
Dette er eit sentralisert tiltak. Det vil seie at det er Europakommisjonen som både mottek og handsamar søknader samt forvaltar prosjekta etter oppstart.
Ettersom tiltaket er administrert av Europakommisjonen, søkjer ein direkte til Europakommisjonen sin underorganisasjon European Education and Culture Executive Agency (EACEA).
Søknadsskjema publiserast på EACEA sine eigne sider for tiltaket.
Søk Prosjektetableringsmidler
Fordi dette er eit sentralisert tiltak, så betyr det at ein konkurrerer med søkjarar frå heile Europa, og i nokre tilfelle heile verda.
Det er eit kunnskapspolitisk mål å auke norsk deltaking i Erasmus+ sentraliserte tiltak. HK-dir tilbyr derfor alle norske institusjonar, organisasjonar og bedrifter som planlegg å etablera eit sentralisert prosjekt om å søke om prosjektetableringsstøtte. Støtta skal bidra til at søkjarane når opp i europeiske konkurranse om prosjektmidlar.
Du kan søkje om:
- Inntil 100 000 kroner som koordinator
- Inntil 50 000 kroner som partner
Søknadsfristen er løypande.
Du finn søknadsskjema og meir informasjon om prosjektetableringsstøtte her:
Rettleiing frå HK-dir
HK-dir kan òg tilby rettleiing på søknaden din, med atterhald om kapasitet. Ta kontakt for å avtala tid.
Merk: Me tek ikkje imot, behandlar eller følgjer opp prosjekt, og kan derfor ikkje gi rettleiing om tekniske eller administrative spørsmål i prosjektgjennomføringa.