Produksjonsmedarbeidar - grunnleggjande ferdigheiter på jobb

Last ned som PDF, Excel eller Word

Arbeidsoppgåver for produksjonsmedarbeidar

• Meistre produksjonsprosessar i bedrifta.
• Arbeide etter bedrifta sine hygienereglar.
• Merke varer og gjere dei klare til levering.
• Arbeide som del av eit team.

Leseferdigheiter

Kvar dag vil produksjonsmedarbeidaren

• lese produksjonsordrar.
• lese arbeidsplanar.
• lese oppslag og skilt.
• lese tryggleiksinstruksjonar og symbol.
• lese vare- og leveringsinformasjon.
• lese og forstå faguttrykk.

Med jamne mellomrom vil produksjonsmedarbeidaren

• lese meldingar frå leiinga.
• lese avfallsrutinar som gjeld hygiene og miljø.
• lese og oppdatere seg på interne reglar.
• lese skiftplanar og ferielister.
• lese meldingar og e-postar.

Av og til vil produksjonsmedarbeidaren

• lese forskrifter som gjeld på arbeidsplassen.
• lese relevante kvalitetsprosedyrar.
• lese nyhende, artiklar og anna fagstoff for å halde seg orientert om utviklinga i bransjen.
• lese referat.
• lese opplæringsmateriell.
• lese instruksjonar om førstehjelp, brannvern og handtering av farleg gods.
• lese tryggleiksdatablad.
• lese informasjon som gjeld sitt eige arbeidsforhold.

Skriveferdigheiter

Kvar dag vil produksjonsmedarbeidaren

• skrive korte meldingar.
• skrive instruksjonar til andre.
• skrive meldingar og e-postar.

Med jamne mellomrom vil produksjonsmedarbeidaren

• gje skriftleg informasjon og bruke presise faguttrykk til kollegaer og leiaren sin.
• rapportere om avvik eller hendingar.
• fylle ut skademeldingsskjema.
• skrive permisjonssøknader.

Av og til vil produksjonsmedarbeidaren

• notere nye rutinar.
• svare på spørsmål i samband med kurs, sertifiseringar og undersøkingar.
• gje innspel til verneombodet for å betre arbeidsmiljøet.
• skrive notat og oppgåvesvar i kurssamanheng.
• fylle ut skjema som gjeld sitt eige arbeidsforhold.

Munnlege ferdigheiter

Kvar dag vil produksjonsmedarbeidaren

• snakke med andre for å koordinere arbeidet.
• gje og ta imot meldingar og instruksjonar.
• skaffe og vidareformidle informasjon om råstoff og leveransar.
• rapportere eventuelle skadar og uønskte hendingar til den næraste leiaren sin.
• delta i lunsj- og pauseprat.

Med jamne mellomrom vil produksjonsmedarbeidaren

• få informasjon og kome med innspel på møte.
• drøfte arbeidstid og skiftavvikling.
• følgje opp og spørje dersom noko er uklart når det gjeld rutinar.

Av og til vil produksjonsmedarbeidaren

• vere i dialog med transportavdelinga.
• delta i intern og ekstern opplæring.
• snakke med leiaren og verneombodet om sine eigne arbeidstilhøve, arbeidsmiljøet og opplæringsbehov.
• svare på spørsmål i samband med prøver og sertifiseringar.
• orientere nytilsette og vikarar om arbeidsrutinar.
• få rettleiing om riktige arbeidsstillingar og arbeidsteknikkar.
• melde frå om sjukdom og fråvær.
• føreslå endringar i arbeidsrutinar.
• varsle om akutte hendingar eller ulukker.
• ha ein medarbeidarsamtale med leiaren sin.

Rekneferdigheiter

Kvar dag vil produksjonsmedarbeidaren

• samanlikne og kontrollere varenummer.
• finne fram til og bruke talkodar.
• forstå symbol og produktkodelister.
• telje, vege eller måle opp råstoff.
• kontrollere storleiken og vekta på sendingar.

Med jamne mellomrom vil produksjonsmedarbeidaren

• kontrollere sin eigen lønsslipp.
• fylle ut timelister.
• måle lengd, volum og vekt.
• finne rett hylleplass for ulike varer.
• lese av måleinstrument.
• sjekke produksjonsmål.

Av og til vil produksjonsmedarbeidaren

• fylle ut og kontrollere numerisk informasjon i skjema.
• kalibrere måleinstrument.
• vurdere kor lang tid det vil ta å gjere ein jobb.
• sjå på og vurdere faktorar som påverkar det økonomiske resultatet til bedrifta.
• lese statistikk og grafar, til dømes skadestatistikk.

Digitale ferdigheiter

Kvar dag vil produksjonsmedarbeidaren

• bruke tidsregistrering.
• lagre utførte oppdrag i arkiv.
• bruke merkesystem.
• bruke ulike måleinstrument.
• gå gjennom og oppdatere lagra lister.

Med jamne mellomrom vil produksjonsmedarbeidaren

• finne fram til og fylle ut relevante skjema.
• rapportere avvik.
• søkje i databasar.
• lese og halde seg oppdatert på heimesidene og intranettet til bedrifta.
• sende og ta imot meldingar og e-postar.

Av og til vil produksjonsmedarbeidaren

• ta bilete for å dokumentere hendingar eller avvik.
• oppdatere seg på HMS.
• finne tryggleiksdatablad.
• bruke smarttelefon og nettbrett med forskjellige appar knytte til oppgåver.
• bruke digitale møteplassar i kontakt med kollegaer og arbeidsgjevaren.
• bruke QR- og strekkodar når det trengst.
• bruke standard kontorprogramvare.
• bruke ulike digitale møteplassar for samarbeid og kommunikasjon.
• bruke ulike opplæringsressursar.