På konferansen vert forskningsprosjekt støtta av Program for kunstnarleg utviklingsarbeid og doktorgradsprosjekt av stipendiatar som deltar i Nasjonal forskarskule i kunstnarleg utviklingsarbeid presentert og diskutert.
Program for kunstnarleg utviklingsarbeid arrangerer Artistic Research Forum to gonger årleg. Desse konferansene er ein viktig arena for konstruktiv kritisk dialog med eit tverrkunstnarleg nasjonalt og internasjonalt fagmiljø, og gir moglegheit for deling av og diskusjon omkring kunstnarlege forskingsprosjekt.
Haustforumet i 2024 arrangeres båe digitalt via Zoom (dag 1) og fysisk i Trondheim (dag 2 og dag 3).
Les meir om konferansen på vår engelske side om arrangementet og meld deg på innan 1. oktober 2024.
Programmet skal styrkja forskingskulturen og bidra til auka kvalitet og kompetanseutvikling ved utdanningsinstitusjonar som tilbyr skapande og utøvande kunstfag.
Nasjonal forskarskule i kunstnarleg utviklingsarbeid tilbyr opplæring i teori, metode og etikk for stipendiatar i kunstnarleg utviklingsarbeid. Stipendiaten må være tatt opp i eit doktorgradsprogram i kunstnarleg utviklingsarbeid ved ein norsk utdanningsinstitusjon for å delta i opplæringstilbod.