Småskalapartnarskap Erasmus+

Alle typar organisasjonar og utdanningsinstitusjonar kan søke, så framt effekten og målgruppene ligg i ein eller fleire av følgande sektorar:

• barnehage og skule
• fag- og yrkesopplæring
• vaksne si læring

I tillegg rettar småskalapartnarskap seg særskilt mot grasrotorganisasjonar, nykommarar og uerfarne søkarar som ikkje har erfaring med Erasmus+ frå tidlegare.

De kan samarbeide med ein eller fleire partnarar i Europa. Partnarskapet må bestå av minst to organisasjonar/institusjonar frå Erasmus+-land (medlemslanda i EU samt Norge, Island, Liechtenstein, Serbia, Tyrkia eller Nord-Makedonia). Om de ønsker det, kan de òg involvere fleire lokale aktørar i partnarskapet.

Ver merksam på at det inntil vidare er avgrensingar på kva for ungarske institusjonar som kan delta som partnarar i prosjekt, ref. Council Implementing Decision (EU) 2022/2506 of 15 December 2022 on measures for the protection of the Union budget against breaches of the principles of the rule of law in Hungary. Sjå lista over institusjonar som er omfatta av rådsbeslutninga her (PDF).

For småskalapartnarskap vil det i 2025 berre vera éi utlysing.

Same organisasjon (éin OID) kan ikkje vera involvert i meir enn 5 søknader totalt per utlysing, og berre éin av dei som koordinator.

Meir om tiltaket finn du her.

Ein søker om eit sekkebeløp på anten 30 000 EUR eller 60 000 EUR. Ein vel det beløpet som passer best basert på kva aktivitetar ein ønsker å gjennomføre.

Handbok til sekkebeløp 2025 kjem.

For å få tilgang til søknadsskjemaet, treng du ein EU Login-brukarkonto. Denne opprettar du sjølv på ein enkel måte (europa.eu).

I Erasmusportalen finn du søknadsskjemaet for småskalapartnarskap (KA210 – Small-scale partnerships) innanfor respektive sektorar under menypunktet «Opportunities». Søknaden er eit online-skjema og blir lagra automatisk når du jobbar i det. Du kan også gi tilgang til andre som kan redigere søknaden. 

Alle skular og organisasjonar som søker om Erasmus+-midlar må skaffe seg ein organisasjons-ID (OID). Når du oppgir organisasjons-ID i søknaden, blir relevant informasjon om organisasjonen automatisk fylt ut i søknadsskjemaet. Du kan finne ut om din organisasjon har eit OID-nummer frå før, eller registrere din institusjon i Erasmusportalen under menypunktet «Organisations». 

Viss du får problem med å sende inn søknaden, ber vi om at du tar kontakt med oss på e-post: erasmuspluss@hkdir.no. Får du problem same dagen som søknadsfristen, må du kontakte oss umiddelbart.

Det er lurt å sende inn søknaden nokre dagar før fristen. Då har vi god tid til å hjelpe deg om det skulle oppstå tekniske problem.

Her finn du meir informasjon om småskalapartnarskap og rettleiing til korleis skrive ein søknad.

Behandling og vurdering av søknad

• Gyldigheitssjekk: HK-dir sjekkar først at søknaden oppfyller alle formelle kriterium.
• Kvalitetsevaluering: Søknaden vert evaluert etter fastsette kriterium i samarbeid med uavhengige ekspertar. Les om kriteria i programguiden for Erasmus+ .
• Sjekk av operasjonell kapasitet: HK-dir gjennomfører ein kontroll av den operasjonelle kapasiteten til søkarorganisasjonen. Du kan lese meir om det her.
• Alle prosjektsøknader må innehalda originalt innhald skrive av søkjaren sjølv, eller i samarbeid med partnarar. Viss søkjar vurderer å bruka kunstig intelligens (KI) for å skriva søknaden, bør ein vera klar over potensialet for å bli teken for plagiat. Sjå Programguiden del C, informasjon til søkarar.

Det er berre krav om ein sluttrapport som skal sendast til HK-dir når prosjektet er avslutta.

Du finn informasjon om rapportering under opplæringsmoduler i boksen under.