Nansen EDU – Utlysing 2025

• Norske høgare utdanningsinstitusjonar som er akkrediterte av NOKUT, og som tilbyr utdanningsprogram på både bachelor- og mastergradnivå.
• Kvart søknad må inkludere minst to partnarar i Ukraina som er fullt godkjende høgare utdanningsinstitusjonar, offentlege eller private, og som tilbyr utdanningsprogram på både bachelor- og masternivå. Den norske søkjarinstitusjonen må ta på seg koordineringsrolla i prosjektet.

Utlysinga er ein del av Nansen EDU – norsk-ukrainsk samarbeid innan høgare utdanning. Programmet er finansiert av Utanriksdepartementet som ein del av Nansen-programmet for Ukraina, og støttar the Ukraine Recovery Plan innan utdanning og forsking.

Dei overordna måla med Nansen EDU er å:

• Styrke ukrainske høgare utdanningsinstitusjonars kapasitet til å tilby god, relevant og attraktiv utdanning.
• Betre tilgangen på godt kvalifiserte fagfolk for offentleg og privat sektor i Ukraina, tilpassa prioriterte område i landet og regionale behov.
• Styrke langsiktig samarbeid mellom norske og ukrainske høgare utdanningsinstitusjonar.

Formålet med denne utlysinga er å finansiere prosjekt som skal bidra til følgjande mål:

• Styrkte høgare utdanningsinstitusjonar i Ukraina
• Betra kvalitet og relevans i utdanningstilbodet ved partnarinstitusjonane i Ukraina
• Meir inkluderande utdanning for sårbare grupper og etablering av nye moglegheiter for etter- og vidareutdanning

Tematiske prioriteringar

Tilskot under denne utlysinga vil bli gitt til prosjekt som blir vurderte å falle innanfor følgjande tematiske prioriteringar:

• Digital transformasjon
• Miljø og energi
• Fysisk og psykisk helse
• Juss, samfunnsvitskap og økonomi
• Gjenoppbygging og byplanlegging
• STEM og landbruksfag
• Lærar- og førskulelærarutdanning

Du kan søke om inntil 5 000 000 kroner (fem millionar norske kroner) i støtte per prosjekt.

Prosjekta kan vare inntil tre år, må ha planlagt oppstart mellom 1. juni 2026 og 1. juli 2026 og vere avslutta seinast 30. juni 2029.

Merk at prosjektet må ha minst ein budsjettert aktivitet kvart år i denne treårsperioden.

Komplett informasjon om utlysinga, samt søkerseminar 8. desember, er tilgjengeleg på dei engelske sidene våre.