Nansen EDU - Norsk-ukrainsk partnarskapsprogram om høgare utdanning

Nansen EDU finansierer institusjonelt samarbeid mellom høgare utdanningsinstitusjonar i Noreg og Ukraina. Programmet skal støtte ukrainske høgare utdanningsinstitusjonar i å oppretthalde og utvikle god undervisning og attraktive og relevante studietilbod innanfor fagfelt som er prioriterte på nasjonalt og/eller regionalt nivå i Ukraina. 

Nansen EDU inngår i Noregs innsats for kapasitetsbygging og langsiktig institusjonssamarbeid i Nansen-programmet for Ukraina. HK-dir forvaltar programmet på oppdrag frå Utanriksdepartementet.

Dei overordna måla med Nansen EDU er å

• Styrke ukrainske høgare utdanningsinstitusjonars evne til å tilby god, relevant og attraktiv utdanning.
• Auke tilgangen på kvalifisert arbeidskraft i offentleg og privat sektor, tilpassa prioriterte fagfelt og regionale behov i Ukraina.
• Styrke langsiktig samarbeid mellom norske og ukrainske høgare utdanningsinstitusjonar.

Ansvarleg søkjar skal vere ein norsk høgare utdanningsinstitusjon akkreditert av NOKUT som har studieprogram på både bachelor- og masternivå. Nærare krav til konsortiet vil bli presisert i utlysing.

Prioriterte fagfelt:

• Digital transformasjon
• Fysisk og mental helse
• Gjenomppbygging og byplanlegging
• Juridiske fag, samfunnsvitskap og økonomisk-administrative fag
• Lærar- og barnehagelærarutdanning
• Miljø og energi
• STEM og landbruksfag