Fagskolekonferansen 2024
Bli med på Fagskolekonferansen 2024, ein arena for inspirasjon, fagleg påfyll og nettverksbygging. Direktoratet for høgare utdanning og kompetanse invitera til engasjerande innlegg oppfølgt av gode diskusjonar om høgare yrkesfagleg utdanning, og høve til å knyte nye kontaktar frå sektoren. Velkommen til konferanse på Scandic Hell i Stjørdal kommune 12.-13. november.
Fagskolekonferansen er den årlege møteplassen for alle som er engasjert i høgare yrkesfagleg utdanning. Konferansen er ein arena for kunnskapsformidling, erfaringsdeling og nettverksbygging.
Konferansen vert arrangert fysisk ved Scandic Hell, Sandfærhus 22, 7502 Stjørdal. Delar av konferansen vert strøyma. Under paralellsesjonane vil digitale deltakarar følgje sesjon 1 som finn stad i plenumsalen.
Det offisielle programmet startar tysdag 12. november kl. 11.00, men vi opnar arrangementet for registrering og kaffeprat frå kl. 10.00.
Konferansier vert Kristine Offerdal, avdelingsdirektør for analyse og kunnskap i Direktoratet for høgare utdanning og kompetanse.
Det er avgrensa antal plassar for fysisk deltaking på konferansen. Fjorårets konferanse vart fullteikna tidleg så meld deg på no for å sikre deg plass til haustens vakraste eventyr!
Trykk på fanen over for å sjå programmet. Programmet er fortsatt under utvikling og det kan kome mindre endringar.
Konferanseavgift
Fysisk deltaking*: Avgift på 1 600,- kr inneber deltaking på konferansen, lunsj frå hotellet samt pausebufeet begge dagar
Middag 12. November*: Avgift på 600,- kr
Strøyming: Det vil vere gratis å følgje konferansen digitalt og å melde seg på digitalt fram til konferansedagen.
*Frist for å melde seg av er fredag 18. oktober kl. 12.00.
Overnatting
Hotellrom reserverast og betalast utanom påmeldinga av den einskilde deltakar. Dersom ein ønskjer å bu på konferansehotellet er det mogleg å bruke bookingkoden BFAG121124. Pris ved bruk av kode vil kome på 1490,- kr per overnatting, frukost inkludert.
Rabatten gjeld berre ved booking via hotellet si nettside.
Utdanningskvalitetsprisen
Eit av høgdepunkta under Fagskolekonferansen er utdeling av Utdanningskvalitetsprisen for høgare yrkesfagleg utdanning. Forskings- og høgare utdanningsminister Oddmund Hoel kjem for å dele ut prisen.
