Dialogmøte om Nasjonal forskarskule i kunstnarleg utviklingsarbeid

Nasjonal forskarskule i kunstnarleg utviklingsarbeid tilbyr opplæring i teori, metode og etikk for PhD kandidatar i kunstnarleg utviklingsarbeid. 

Undervisninga er organisert i modular, og går føre seg i fysiske og digitale seminar og nasjonale forum.

Forskerskulen har eit eige styre som fastset læringsutbytet og årleg kursplan. Styret har representantar frå dei deltakande institusjonane, samt to representantar frå stipendiatene. Direktoratet for høgaere utdanning og kompetanse ved Program for kunstnarleg utviklingsarbeid administrerer undervisninga.

Agenda

• Orientering om og drøfting av den planlagte overføringa av administrasjonen av forskarskulen frå HK-dir til Universitetet i Bergen.
• Evaluering av og erfaringar frå undervisningstilbodet til forskarskulen 2025/2026.
• Eventuelt.

Kven kan delta?

Representantar frå

• Kunsthøgskulen i Oslo
• Noregs musikkhøgskule
• NTNU
• Universitetet i Agder
• Universitetet i Bergen
• Universitetet i Innlandet
• Universitetet i Stavanger
• UiT – Noregs arktiske universitet

Målgruppa for dialogmøtet er fagleg og administrativt tilsette med mynde i høve forskarskulen, til dømes rektorar, dekanar, instituttleiarar, avdelingsleiarar og leiarar for ph.d.-program i kunstnarleg utviklingsarbeid.

Det vert lagt opp til diskusjon, det vil si at møtet ikkje er retta mot observatørar. Dersom ein primært ønskjer informasjon, viser me til informasjonsmøte for forskingskoordinatorar og andre, som vert arrangert to gongar årleg. Me legg også ut eit kort referat frå møtet på denne sida i ettertid.

Presentasjon og oppsummering