Kvalifikasjonskrav for studiestøtte til studium i utlandet

HK-dir tilrår at ein primært held på dagens ordning med GSK som kvalifikasjonskrav, og sekundært at ein fjernar GSK-kravet heilt og utan å innføre risikoreduserande tiltak. Notatet går gjennom ulike risikoreduserande tiltak og gjer greie for kvifor det ikkje er tilrådd å innføre desse.

Vurderingane og tilrådingane tek omsyn til behovet for effektivisering og forenkling av statlege tenester, etterleving av internasjonale avtalar, føreseielege reglar for søkarane, risikoreduserande tiltak, politiske prioriteringar for internasjonalt samarbeid i høgare utdanning, og i kva grad studentane får nytta kompetansen sin i Noreg.