Nasjonalt nettverk for realkompetansevurdering
Nasjonalt nettverk for realkompetansevurdering er ein digital møteplass for fagpersonar som arbeider med realkompetansevurdering. Nettverket er oppretta i Microsoft Teams og blir drifta av Direktoratet for høgare utdanning og kompetanse (HK-dir).
Sist oppdatert : 14. oktober 2026Kva er føremålet med nettverket?
Nettverket skal leggje til rette for erfaringsdeling, fagleg dialog og kunnskapsutveksling mellom fagpersonar som arbeider med realkompetansevurdering.
Her kan du:
- stille spørsmål og diskutere faglege problemstillingar
- dele erfaringar og døme frå eigen praksis
- utveksle kunnskap og lære av andre fagpersonar
- dele relevante faglege ressursar
Vi ønskjer at nettverket skal vere ein aktiv møteplass der medlemmene bidreg med eigne erfaringar, spørsmål og innspel.
HK-dir driftar nettverket og deltek i dialogen innanfor vårt mandat.
Lunsjmøte
HK-dir arrangerer jamlege digitale lunsjmøte der medlemmer frå praksisfeltet deler erfaringar og døme frå arbeidet med realkompetansevurdering.
Møta varer i 30 minutt, frå kl. 11.00 til 11.30.
Lunsjmøta blir annonserte i kanalen «Generelt» med lenke.
Har du forslag til tema eller ønskjer å dele erfaringar frå eigen praksis? Ta gjerne kontakt med oss.
Korleis blir du medlem?
Ønskjer du å bli medlem i nettverket, kan du ta kontakt på rkv@hkdir.no
Slik bruker du nettverket
Er du ny i nettverket, eller treng du hjelp til å bruke Teams? Vi har laga ei rettleiing som viser korleis du får tilgang til nettverket, slår på varslingar, publiserer innlegg og deltek i faglege diskusjonar.