Internasjonalt samarbeid for å fremje kvalitet i ingeniørutdanningane

Kvifor delta?

• Få eit strategisk perspektiv på kvifor internasjonalt utdanningssamarbeid innan ingeniør- og STEM‑fag er høgt prioritert i europeisk og norsk politikk og for institusjonane.
• Sjå korleis Erasmus+ prosjektsamarbeid kan nyttast som verkemiddel for kvalitetsutvikling og internasjonal posisjonering.
• Få døme på institusjonelle grep som har bidrege til høg studentmobilitet i ingeniørutdanningar.
• Diskuter korleis breiare europeisk utdanningssamarbeid kan styrkje kompetanseforsyning, innovasjonskraft og rekruttering innan ingeniør‑fag.

Program

Samlinga set søkjelys på internasjonalt samarbeid, mobilitet og utdanningskvalitet i høgare utdanning, med særleg vekt på ingeniørutdanningar og STEM-fag. Førebels kan vi presentere dette programmet.

Sveinung Skule, direktør, HK-dir, gir eit overordna perspektiv på nasjonale og europeiske satsingar på mobilitet og internasjonalisering. Geir Egil Dale Øien, prorektor for utdanning og Raed Khalil Lubbad, studieprogramleiar ved NTNU, presenterer institusjonen sitt strategiske arbeid med internasjonalt samarbeid.

Programmet løftar fram konkrete døme frå til dømes Erasmus+-prosjekt ved fleire institusjonar:

• Bjørn Reidar Sørensen, dekan ved Fakultet for ingeniørvitskap og teknologi, UiT, deler erfaringar med internasjonalt samarbeid om ingeniørutdanning med Asia, med vekt på suksessfaktorar og utfordringar
• Monica Jordheim, visedekan, UiB, viser korleis Erasmus+ blir brukt for å styrkje utdanningskvaliteten på Fakultet for naturvitenskap og teknologi.
• Rune Andersen, studieprogramleder ved Institutt for IKT, UiA, presenterer prosjekt om spelbasert læring gjennom internasjonalt samarbeid i teknologistudium.
• Tulpesh Patel, studieprogramansvarlig, Fakultet for teknologi, kunst og design ved OsloMet gir innblikk i mobilitetssamarbeid i Europa, som varer i et helt semester.

Eit sentralt tema er korleis internasjonalt samarbeid påverkar utdanningskvalitet og studentane si læring, og kva som gir overføringsverdi på tvers av institusjonar. Mobilitet står sentralt, med vekt på korleis institusjonane aktivt legg til rette for utveksling gjennom strategiske grep, struktur i studieprogramma

Det blir lagt opp til aktiv deltaking med gruppesamtalar undervegs. Samlinga blir avslutta med ein panelsamtale leia av Jon Gunnar Mølstre Simonsen, avdelingsdirektør, HK-dir.

Målgruppe

Dekanar, prodekanar, instituttleiarar, studieprogramleiarar, internasjonale koordinatorar, prosjektkoordinatorar, administrativt tilsette og andre interesserte.