Opptakstala for 2024 er klare

Kvart år blir det gjennomført eit samordna opptak til universitet og høgskular. I år har rundt 110 000 av dei i overkant av 140 000 søkjarane fått tilbod om ein studieplass.

– Det er veldig gledeleg å sjå at så mange søkjarar no får høvet til å starte på eit studium. Som samfunn står vi overfor store utfordringar, som dei som no byrjar å studere skal bidra til å løyse. Behovet for kunnskap og kompetanse vil ikkje bli mindre framover, seier Sveinung Skule, direktør i Direktoratet for høgare utdanning og kompetanse.

Les meir om årets opptak

Faktaboks: Nøkkeltal

• Ved hovudopptaket er det registrert 140 957 søkarar. Det er ein auke på 4,6 prosent samanlikna med fjoråret.
• 126 250 av søkarane var kvalifisert til minst eitt av studieønska sine.
• 109 498 søkarar har fått tilbod om studieplass til universitet og høgskuler i 2024. Dette er ein oppgang på 4,7 prosent frå 2023.
• Blant dei som har fått tilbod om studieplass i år, har 66 923 kome inn på førstevalet sitt.
• 16 752 kvalifiserte søkarar sto utan tilbod om studieplass etter hovudopptaket.
• 39 prosent (42 711) av søkarar med tilbod i opptaket i år er menn, og 61 prosent (66 787) er kvinner.
• Økonomisk-administrative fag er utdanningsområdet med klart flest søkarar med motteke tilbod i 2024 (21 672), tett følgt av helsefag (20 187).
• Samanlikna med i fjor, er det størst prosentvis auke studieplassar innan informasjonsteknologi, medan det er reiselivsstudiane som har størst nedgang.
• Av dei 20 enkeltstudiane med høgast poenggrense i ordinær kvote, er det berre fotojournalistikk ved OsloMet som har høgare poenggrense i år samanlikna med i fjor.
• Medisinstudiane ved UiO og NTNU har dei høgaste poenggrensene i ordinær kvote.

Fakta

Samordna opptak koordinerer opptaket til 27 universitet og høgskular.

1. januar 2022 vart Samordna opptak ein del av Direktoratet for høgare utdanning og kompetanse (HK-dir). Direktoratet er eit resultat av samanslåinga av Diku, Kompetanse Noreg, Universell og delar av Unit, NSD og NOKUT.